ગુજરાતમાં વિધાનસભાની ચૂંટણીનું રણશિંગુ ફૂંકાઇ ચુક્યુ છે અને ચૂંટણીપંચ દ્વારા તારીખો પણ જાહેર થઈ ચુકી છે. ત્યારે આમ આદમી પાર્ટીએ આજે ઉમેદવારોની 10મી યાદી પણ જાહેર કરી દીધી છે. આમ આદમી દ્વારા વધુ 21 ઉમેદવારોના નામની જાહેરાત કરવામાં આવી છે. જેમાં ૬૪ ધ્રાંગધ્રા હળવદ વિધાનસભા બેઠક પર આમ આદમી પાર્ટીના ઉમેદવાર પણ જાહેર કરાયા છે.
૬૪ ધ્રાંગધ્રા હળવદ વિધાનસભા બેઠક પર ધ્રાંગધ્રા તાલુકાના વાઘજીભાઇ પટેલ આમ આદમી પાર્ટીમાથી જાહેર કરવામાં આવ્યા છે. ત્યારે ઉલ્લેખનીય છે કે, વાઘજી પટેલ ટ્રેક્ટર ફાર્મસી વેવસાય સાથે સંકળાયેલ છે. તેમને ભાજપમાથી પણ સેંસ પ્રક્રિયામા ભાગ લીધો હતો. જે બાદ તેઓએ ભાજપ સાથે છેડો ફાળી આપમા જોડાયા હતા. ત્યારે ૬૪ ધ્રાંગધ્રા હળવદ વિધાનસભા બેઠક પર આમ આદમી પાર્ટીએ પાટીદાર ચહેરો મેદાને ઉતારતા આ બેઠક પર રસ્સા-કસ્સીનો જંગ જામે તેવી શક્યતા છે. તેમજ પાટીદારને મેદાનમાં ઉતારતા ભાજપ કોંગ્રેસમાં પણ દોડધામ મચી છે.
