સમસ્ત વાલમીકી સમાજ હળવદ દ્વારા ત્રી-દિવસીય નેજા મહોત્સવનું આયોજન કરાયું

મોરબી જિલ્લાનાં હળવદ ખાતે સમસ્ત વાલ્મીકી સમાજ દ્વારા રામદેવજી મહારાજના સાનિધ્યમાં ભાદરવા સુદ નોમ, દસમ, અગીયારસ નેજા મહોત્સવ – ૨૦૨૨નું આયોજન કરવામાં આવ્યું છે. જે કાર્યક્રમ ૦૭-૦૯-૨૦૨૨ ને બુધવારના રોજ રાત્રે ૯-૩૦ કલાકે યોજાશે. જેમાં સંવાણીના કલાકારોમાં હાસ્ય કલાકાર હકાભા ગઢવી, સંતવાણી સમ્રાટ વિજયાબેન વાઘેલા તેમજ સુફી સીંગર પ્રકાશભાઇ પરમાર ઉપસ્થિત રહેનાર છે. જેને લઈ સમસ્ત વાલ્મીકી સમાજ દ્વારા હળવદના સરકારી દવાખાના પાછળ, વાલ્મીકી વાસમાં આવેલ શ્રી રામદેવપીર મંદિર ખાતે સૌ કોઈ ભક્તજનોને પધારવા ભાવ ભર્યું આમંત્ર આપવામાં આવ્યું છે.