હળવદ માળીયા હાઇવે પર કેમિકલ કંપનીમાં ભભૂકી આગ : સદનસીબે જાનહાનિ ટળી

હળવદમાં આગજનીની વધુ એક ઘટના સામે આવી છે. જેમાં હળવદ માળીયા હાઇવે પર અણીયારી પાટિયા પાસે આવેલ કેમિકલ કંપનીમાં આજે વહેલી સવારે આગ લાગી હોવાની ઘટના સામે આવી છે. જેની જાણ થતા જ ફાયર વિભાગે ઘટના સ્થળે પહોંચી આગ પર કાબુ મેળવ્યો હતો.

મલાઈ માહિતી અનુસાર, હળવદ માળીયા હાઇવે પર અણીયારી પાટિયા પાસે આવેલશ્રી પેટ્રો કેમિકલ કંપનીમાં આગ લાગી હોવાની ઘટના સામે આવી હતી. જેની જાણ થતા જ ફાયર વિભાગનો કાફલો ઘટનાસ્થળે પહોંચ્યો હતો અને એક કલાકની ભારે જહેમત બાદ આગ પર કાબુ મેળવ્યો હતો. તેમજ આકસ્મિક કારણોસર કેમિકલ કંપનીમાં આગ લાગી હોવાનું જાણવા મળી રહ્યું છે. જો કે, સદનસીબે જાનહાનિ ટળી હતી.