મોરબી સિવિલ હોસ્પિટલમાં બંધ એમ્બ્યુલન્સમાં આગનું છમકલું થતા દોડધામ મચી

મોરબી સિવિલ હોસ્પિટલના પટાંગણમાં બંધ હાલતમાં પડેલ એમ્બ્યુલન્સમાં કોઈ કારણ સર આગનું છમકલું થતા નાસભાગ મચી ગઇ હતી.

આજે સવારના સમયગાળા દરમિયાન મોરબી સિવિલ હોસ્પિટલની પોલીસ ચોકી બાજુમાં બંધ હાલતમાં પડેલ એમ્બ્યુલન્સમાં આગ લાગી હતી. એમ્બ્યુલન્સની બાજુના કચરાના ઢગમાં કોઈ કારણોસર લાગેલી આગે એમ્બ્યુલન્સ ને પણ ચપેટ માં લીધી હતી. જે ઘટનાની મોરબી પાલિકાના ફાયર વિભાગને જાણ કરવામા આવતા ફાયરસ્ટાફે મારતા ઘોડે દોડી જઇ અવિરત પાણીનો મારો ચલાવ્યો હતો જેને પગલે આગ પ્રસરતી અટકી હતી.ફાયર વિભાગની જહેમત અને સતર્કતાને લીધે આગ વિકારળ રૂપ ધારણ કરતા અટકી હતી.