ટંકારા તાલુકા પંચાયતના પુર્વ પ્રમુખના ખેતરમા આગ લાગી

ગુજરાત સહિત દેશભર માં હિટવેવ ની અસર ને લઈને અતિશય ગરમી પડી રહી છે ત્યારે આગ લાગવાના બનાવોમાં પણ વધારો થતો હોય છે પરંતુ આજે ટંકારાના એક ખેડૂત ના ખેતર માં ટ્રાન્સફોર્મર માંથી લાઈટ ના તણખલા પડતા ટંકારા તાલુકા પંચાયત ના પૂર્વ પ્રમુખ જગદીશભાઈ દુબરીયા ના ખેતર માં આગ લાગી હતી જોકે જોત જોતામાં વધુ અને વધુ ગરમી ના લીધે આગે આઠ વિધા ખેતરમાં ઉગેલા ઘઉં ના પાક ને બાળી ને ખાક કરી દીધો હતો.તથા આ આગ ને પગલે આજુ બાજુ ના ખેતર માલિકોના જીવ પણ અધ્ધર થઈ ગયા હતા.

અત્રે નોંધનીય છે કે આ આગમાં સળગી ગયેલ ઘઉં ના પાક ને બે દિવસ પછી જ લણવાના હતા જેથી ખેડૂત ને લાખો રૂપિયા નું નુકશાન થયું હતું અને ખેડૂતના મોઢે આવેલો કોળિયો ઝૂંટવાઈ ગયો હતો.