ગુજરાતના મુખ્યમંત્રીના જન્મદિવસ નિમિત્તે હળવદ યુવા ભાજપ દ્વારા સિવિલ હોસ્પિટલ ખાતે દર્દી નારાયણને ફ્રુટ વિતરણ કરાયું

ગુજરાત રાજ્યના મૃદુ અને મક્કમ સ્વભાવના મુખ્યમંત્રી ભુપેન્દ્રભાઈ પટેલ નો આજરોજ જન્મદિવસ હોય ભુપેન્દ્રભાઈ પટેલ જ્યારથી મુખ્યમંત્રી બન્યા છે ત્યારથી છેવાડાના માનવી સુધી સારામાં સારી સુવિધા મળે તે માટે પ્રયત્નશીલ છે ત્યારે આજરોજ તેમના જન્મદિવસે તેમના દીર્ઘ આયુષ્ય ની કામના અર્થે હળવદ શહેર અને ગ્રામ્ય યુવા ભાજપ દ્વારા સરકારી દવાખાનામાં ફ્રુટ વિતરણ કરી અને જન્મદિવસની ઉજવણી કરવામાં આવી હતી.

આ કાર્યક્રમમાં મોરબી જિલ્લા ભાજપ પ્રમુખ રણછોડભાઈ દલવાડી , શહેર ભાજપ પ્રમુખ કેતનભાઇ દવે , જિલ્લા યુવા ભાજપ મહામંત્રી તપનભાઈ દવે , રવિભાઈ પટેલ, હિતેશભાઈ લોરીયા, રવજીભાઈ દલવાડી , અશોકભાઈ પ્રજાપતિ સહિત યુવા ભાજપના કાર્યકર્તા હાજર રહ્યા હતા. આ તકે સરકારી હોસ્પિટલમાં દાખલ દર્દીઓને તેમના ખબર અંતર પૂછી સારા સ્વાસ્થ્યની કામના કરી હતી.