મોરબીના નવાગામ રોડ ઉપરથી મોપેડમાં દેશીદારૂની હેરાફેરી કરતા બે ઈસમો પકડાયા

મોરબીના નવાગામ રોડ ઉપર વીસીએમ કારખાના સામેથી નંબર પ્લેટ વગરના સુઝુકી કંપની મોપેડમાં બાચકામાં ૧૮ લીટર દેશી દારૂ ભરી નીકળેલ આરોપી જીગ્નેશભાઇ ગોવિંદભાઇ સોલંકી ઉવ.૧૮ રહે. લીલાપર રોડ, કાળી પાટના નાલા પાસે આવેલ રામદેવ પીરના મંદિરની બાજુમાં તા.જી.મોરબી મુળરહે. વવાણીયા ગામ તા.માળીયા(મી.), સંજયભાઇ નાગજીભાઇ દેગામા ઉવ.૩૫ રહે. મોરબી લીલાપર રોડ કાળી પાટના નાલે રામદેવ પીરના મંદિરની પાસેને મોરબી તાલુકા પોલીસે ઝડપી લઇ દેશી દારૂનો જથ્થો તથા સુઝુકી કંપનીનું મોપેડ કબ્જે લઇ બંને વિરુદ્ધ ગુન્હો દાખલ કરી આગળની તપાસ હાથ ધરી છે.