માળીયા તાલુકાના કોંગ્રેસ સમિતિનાં ઉપપ્રમુખ સતીષ બાબુલાલ વામજા અને માળીયા તાલુકા કોંગ્રેસ સમિતિના સેવાદળના પ્રમુખ મહેશભાઈ નાથાલાલ કૈલા અને માળીયા તાલુકાના કોંગ્રેસ સમિતિના કારોબારી સભ્ય આશિષભાઈ હરખજીભાઈ સંઘાણીએ પોતાના તમામ હોદા અને પ્રાથમિક સભ્ય પદ પરથી રાજીનામુ ધરી દીધું છે.
મળતી માહિતી અનુસાર, મોરબી જિલ્લા કોંગ્રેસના પ્રમુખ તરીકે કિશોર ચીખલિયાને જાહેર કરતા મોરબી જિલ્લામાં એક બાદ એક રાજીનામા પડી રહ્યા છે. ત્યારે વધુ ત્રણ સભ્યોએ કોંગ્રેસમાંથી રાજીનામું ધરી દીધું છે. જેમાં માળીયા તાલુકા કોંગ્રેસ સમિતિ ઉપપ્રમુખ સતીષ બાબુલાલ વામજા અને માળીયા તાલુકા કોંગ્રેસ સમિતિના સેવાદળના પ્રમૂખ મહેશભાઈ નાથાલાલ કૈલા અને માળીયા તાલુકાના કોંગ્રેસ સમિતિના કારોબારી સભ્ય આશિષભાઈ હરખજીભાઈ સંઘાણીએ કોંગ્રેસના પક્ષના તમામ હોદા પરથી અને પ્રાથમિક સભ્ય પદ પરથી સ્વૈચ્છિક રાજીનામું ગુજરાત પ્રદેશ કોંગ્રેસ સમિતિ પ્રમુખ શક્તિસિંહ ગોહિલને સોંપી દીધું છે. તેમજ તેમણે પક્ષના આગેવાનો અને પક્ષના તમામ કાર્યકરોના સાથ સહકાર માટે આભાર માની કોંગ્રેસ સાથે છેડ્યો ફાડ્યો છે.
