મોરબીના યોગીનગર સોસાયટીમાંથી જુગાર રમતા ૦૮ પત્તાપ્રેમીઓ ઝડપાયા

મોરબીનાં યોગીનગર સોસાયટીમાં મોરબી સીટી બી ડિવિઝન પોલીસે બાતમીનાં આધારે રેઈડ કરી હતી. અને સ્થળ પરથી જુગાર રમતા ૦૮ શકુનિઓને ઝડપી પાડ્યા હતા. તેમજ તમામ વિરુધ્ધ ગુન્હો જુગાર ધારા કલમ-૧૨ મુજબ ગુન્હો નોંધવામાં આવ્યો હતો.

મળતી માહિતી અનુસાર, મોરબી સીટી બી ડિવિઝન પોલીસે ગઈકાલે યોગીનગર સોસાયટીની શેરીમાં રેઈડ કરી સ્થળ પરથી તીન પતીનો જુગાર રમતા રવિભાઇ હેમંતભાઇ કુંવરીયા, રાઘવ ઉર્ફે ગોરધનભાઇ કુંવરીયા, પિયુષ ઉર્ફે ખારો બાબુભાઇ કુંવરીયા, રવિભાઇ રમેશભાઇ દલસાણીયા, નાસીર અનવરભાઇ માલાણી, જતીન પ્રકાશભાઇ ચારોલા, મહેશભાઇ દામજીભાઇ નિમાવત તથા અજયભાઇ રમેશભાઇ કુંવરીયા નામના શખ્સોને રોકડા રૂ-૧૪૮૮૦/-ના મુદ્દામાલ સાથે પકડી પાડી કાયદેસરની કાર્યવાહી હાથ ધરી છે.