મોરબી સીટી એ ડિવિઝન પોલીસ ટીમે પૂર્વ બાતમીને આધારે શકત શનાળા નજીક મુરલીધર હોટક પાછળના વિસ્તારમાં આવેલ રહેણાંક મકાને રેઇડ કરી વિદેશી દારૂની નાની-મોટી ૧૦૫ બોટલ ઝડપી લીધી હતી. રેઇડ દરમિયાન આરોપી હાજર નહિ મળી આવતા તેને ઝડપી લેવા પોલીસે તપાસના ચક્રો ગતિમાન કર્યા છે.
મોરબી શહેરના શકત શનાળા ગામ નજીક મુરલીધર હોટલ પાછળ રહેતા વિકિભાઈ નાટડા પોતાના મકાનમાં ગેરકાયદેસર પાસ પરમીટ કે આધાર વગર વિદેશી દારુનો જથ્થો રાખી તેનું વેચાણ કરતો હોવાની મળેલ બાતમીને આધારે સીટી એ ડિવિઝન પોલીસે ઉપરોક્ત રહેણાંકમાં રેઇડ કરતા, જ્યાંથી વિદેશી દારૂ રમ, વ્હિસ્કીની ૭૫૦મીલી. અને ૧૮૦મીલી.ની કુલ ૧૦૫ નંગ બોટલ કિ.રૂ.૧૯,૯૦૮/- સહિતનો મુદ્દામાલ મળી આવ્યો હતો. આ સાથે આરોપી વિકિભાઈ નારણભાઇ નાટડા પોલીસની રેઇડ દરમિયાન હાજર નહિ મળી આવતા, પોલીસે વિદેશી દારૂનો જથ્થો જપ્ત કરી આરોપી સામે પ્રોહી.એક્ટ હેઠળ ગુનો નોંધ્યો છે.
