વાંકાનેરના જાલીડા ગામની સીમમાં બાવળની કાંટમાંથી વિદેશી દારૂની ૧૧૫૨ બોટલ મળી આવી:આરોપીની શોધખોળ

વાંકાનેર તાલુકા પોલીસે જાલીડા ગામની સીમમાંથી રૂ.૧૪.૯૭ લાખની કિંમતની ૧૧૫૨ નંગ વિદેશી દારૂની બોટલ બાવળની ઝાડીઓમાંથી ઝડપીને લીધી હતી, આ સાથે વકાબેર તાલુકા પોલીસે અજાણ્યા આરોપીઓ વિરુદ્ધ ગુનો નોંધી આગળની તપાસની તજવીજ હાથ ધરી છે.

વાંકાનેર તાલુકાના જાલીડા ગામની સીમામાં તળીયુ તળાવ પાસે જુના વસુંધરા ગામે જવાના માર્ગે આવેલા ઠાઠર ગૌચર વિસ્તારમાં બાવળની કાંટની વચ્ચે કોઈ અજાણ્યા ઈસમોએ વિદેશી દારૂની ૧૧૫૨ શીલપેક બોટલ કિ.રૂ. ૧૪,૯૭,૬૦૦/- છુપાવી રાખેલી હતી. ત્યારે વાંકાનેર તાલુકા પોલીસને ખાનગીરાહે મળેલ માહિતીના આધારે સ્થળ ઉપર દરોડો પાડી દારૂનો મોટો જથ્થો કબજે કર્યો હતો. ઘટનાના સમયે કોઈ આરોપી હાજર ન મળી આવતા, વાંકાનેર તાલુકા પોલીસે આરોપી અજાણ્યા ઈસમ વિરુદ્ધ પ્રોહીબીશન એક્ટની કલમ હેઠળ ગુનો નોંધી આરોપીઓને શોધવા ચક્રો ગતિમાન કર્યા છે.