વાંકાનેરના નવા ઢુવા ખાતે બોલેરોમાંથી ૨૦ પેટી દારૂનો જથ્થો ઝડપાયો: આરોપી ફરાર

વાંકાનેર તાલુકા પોલીસ નાઇટ પેટ્રોલીંગમાં હતી આ દરમિયાન તાલુકાના નવા ઢુવા ગામેથી શંકાસ્પદ હાલતમાં રહેલ એક બોલેરો પીકઅપના ચાલકને અટકાવવાનો પ્રયાસ કર્યો હતો પરંતુ આરોપી પરિસ્થિતિ પારખી વાહન રેઢુ મુકી નાશી ગયો હતો.જેને પગલે પોલીસે બોલેરો પીકઅપ નંબર- GJ – 3 – AZ – 6104 ની તલાશી લેતા ઠાઠામાં શાકભાજીના ખાલી કેરેટની આડાસમાં સંતાડેલ ૯૦ હજારની કિંમતનો ઇગ્લીશ દારૂ મેકડોવેલ્સની ૨૦ પેટી બોટલ નંગ.ર ૪૦ નો મુદામાલ ઝડપાયો હતો. જેને પગલે પોલીસે વાહન સહિત કુલ રૂ .૩,૯૦,૦૦૦ નો મુદામાલ કબજે કરી ફરાર આરોપી તથા સાથેના ઇસમ વિરૂધ્ધ ગુન્હો નોંધી તપાસનો ધમધમાટ આદર્યો છે.