ટંકારા પોલીસે બોલેરો ગાડીમાંથી ૬૯ હજારની કિંમતની ઇંગ્લીશ દારૂની ૨૩૦ નંગ બોટલના જથ્થા સાથે સાથે એક ઇસમને દબોચી લીધો છે. પોલીસે રૂ ૩૧૯૦૦૦/- નો મુદ્દામાલ કબજે કરી આગળની કાર્યવાહી હાથ ધરી છે.
વિગત મુજબ ટંકારા પોલીસ સ્ટાફ પેટ્રોલીંગમાં હતો તે દરમ્યાન એક બોલેરો ગાડી રજી. નં. GJ-08-AU-3384 ની તપાસ કરતા બોલેરો ગાડીમાંથી ઇંગ્લીશ દારૂ કાઉન્ટી ક્લબ ડિલક્ષ વ્હીસ્કી તથા વ્હાઈટ લેક વોડકા ૭૫૦ મીલીની બોટલો નંગ ૨૩૦ કિ રૂ કિ.રૂ.૬૯૦૦૦/ની કિંમતનો જથ્થો ઝડપાયો હતો. પોલીસે દારૂનો જથ્થો તથા બોલેરો ગાડી મળી કુલ મુદ્દામાલ રૂ ૩૧૯૦૦૦/- સાથે આરોપી દિનેશકુમાર ભગવાનારામ નેણ (ઉ.વ.૨૮)ધંધો ખેત-મજુરી રહે. ગામ સરવાણા તા. સાંચોર જી. જાલોર રાજસ્થાન નામના પરપ્રાંતીય શખ્સની અટકાયત કરી ધોરણસર કાર્યવાહી હાથ ધરી છે.
આ કાર્યવાહી દરમિયાન વિજયભાઈ બાર તથા પો.કોન્સ-ખાલીદખાન રફીકખાન, પો.કોન્સ હિતેષભાઈ વશરામભાઈ ચાવડા, પો.કોન્સ સિધ્ધરાજસિહ ઝાલા, પો.કોન્સ સિધ્ધરાજસિંહ જાડેજા, પો.કોન્સ રમેશભાઈ રબારી સહિતનો પોલીસ સ્ટાફ ફરજ પર હજાર રહ્યો હતો
