મોરબી સીટી એ ડિવિઝન પોલીસે પૂર્વ બાતમીને આધારે કામધેનુ પાર્ટી પ્લોટ સામેથી નંબર પ્લેટ વગરના એકટીવા મોપેડની ડેકીમાંથી વિદેશી દારૂની ત્રણ બોટલ પકડી પાડવામાં આવી છે. આ સાથે આરોપી એકટીવા રેઢું મૂકી નાસી જતા તેને ફરાર દર્શાવી નાસી જનાર આરોપી તથા તપાસમાં ખુલ્લે તેની વિરુદ્ધ એ ડિવિઝન પોલીસ મથકમાં પ્રોહી. હેઠળ ગુનો નોંધી તપાસના ચક્રો ગતિમાન કર્યા છે.
મળતી માહિતી અનુસાર મોરબીના કંડલા બાયપાસ રોડ ઉપર કામધેનુ પાર્ટી પ્લોટ સામે આરોપી કિશન ઉર્ફે છોટુ હિતેષભાઈ ડાભી એકટીવા મોપેડની ડેકીમાં વિદેશી દારૂનો જથ્થો રાખી તેનું વેચાણ કરી રહ્યો હોવાની મળેલ બાતમીને આધારે એ ડિવિઝન પોલીસ ટીમે બાતમી મળ્યાના સ્થળે તપાસ કરતા કામધેનુ પાર્ટી પ્લોટ સામે નંબર પ્લેટ વગરનું એકટીવા મોપેડ રેઢું મળી આવ્યું હતું. જેથી એકટીવાની ડેકીમાં તલાસી લેતા તેમાંથી વિદેશી દારૂ એવરગ્રીન વ્હિસ્કીની ત્રણ બોટલ મળી આવતા પોલીસે વિદેશી દારૂ તથા નંબર પ્લેટ વગરનું એકટીવા કબ્જે લઈ આરોપી કિશન ઉર્ફે છોટુ હિતેષભાઈ ડાભી રહે.માધાપર શેરી નં.૧૩ વાળાને ફરાર દર્શાવી તેની સામે પ્રોહી.એક્ટ હેઠળ ગુનો નોંધી આગળની ધોરણસરની કાર્યવાહી હાથ ધરી છે.
