ગ્રામ પંચાયતની ચૂંટણીને પગલે ગઈકાલે મોરબી જિલ્લામાં પોલીસ સતત સતર્ક રહી પેટ્રોલિંગ કરી રહી હતી આ દરમિયાન કારમાંથી ધોકા સાથે નીકળેલ આરોપી અને મોરબીમાંથી દેશી દારૂના જથ્થા સાથે એક મહિલા આરોપીને પોલીસે ઝડપી લઈ કાયદેસરની કાર્યવાહી હાથ ધરી છે.
માળીયા મિયાના તાલુકામાં માસુમસા પીરની દરગાહ પાસેથી સ્વીફટ ગાડી નં.જી.જે.-૧૩-સીસી-૫૮૫૬ મા એક લાકડાનો ધોકો લઇ નીકળેલ આરોપી રજાક ઇશાભાઇ જેડા (ઉ.વ.૩૦ રહે.જખરીયા વિસ્તાર માળીયા તા.માળીયા મી જી.મોરબી)ને માળીયા પોલીસે ઝડપી લઇ આરોપી વિરુદ્ધ.પી.એકટ કલમ ૧૩૫ મુજબ કાર્યવાહી હાથ ધરી છે.
આ ઉપરાંત મોરબીમાં આવેલ વીશીપરા ગલ્સ હાઇસ્કુલની સામેં રહેતી રેવીબેન ઘોઘાભાઇ કુરીયા નામની ૭૦ વર્ષીય મહિલાના કબ્જામાંથી મોરબી સીટી બી ડીવીઝન પોલીસે ત્રણ લીટર દેશી દારૂનો જથ્થો જપ્ત કરી આરોપી મહિલા વિરુદ્ધ પ્રોહી ધારા ૬૬(૧)બી, ૬૫ એ,એ, મુજબ કાર્યવાહી કરી છે.
