મોરબીમાં રહેણાંક મકાનમાંથી વિદેશી દારૂની નાની-મોટી ૮૦ નંગ બોટલ ઝડપાઇ:આરોપીની શોધખોળ

મોરબીના વીસીપરા વિસ્તારમાં આવેલ ગુલાબનગરમાં આવેલ રહેણાંકમાં પોલીસે રેઇડ કરી વિદેશી દારૂની નાની-મોટી ૮૦ બોટલ ઝડપી લીધેલ હતી, દરોડા દરમિયાન આરોપી હાજર મળી નહીં આવતા તેની શોધખોળ શરૂ કરી છે.

મોરબી સીટી બી ડિવિઝન પોલીસે પૂર્વ બાતમીને આધારે વીસીપરામાં આવેલ ગુલાબનગરમાં રહેતા આરોપી અવેશભાઈ ગફુરભાઈ પીલુડીયાના રહેણાંક મકાનમાં રેઇડ કરી હતી. ત્યારે પોલીસે રહેણાંકમાંથી વિદેશી દારૂની અલગ અલગ બ્રાન્ડની નાની-મોટી ૮૦ નંગ બોટલ કિ.રૂ.૧૨,૪૬૦/-નો મુદ્દામાલ ઝડપી લેવામાં આવ્યો હતો, જેથી આરોપીને ફરાર દર્શાવી તેની વિરુદ્ધ તથા તપાસમાં ખુલ્લે તેના વિરુદ્ધ પ્રોહી. એક્ટ હેઠળ ગુનો નોંધી આગળની તપાસની તજવીન હસ્થ ધરી છે.