વાંકાનેર તાલુકાના ઠીકરીયાળી ગામે વાંકાનેર તાલુકા પોલીસે રેઇડ કરી હાથીયા નામે ઓળખાતી સીમમાં આવેલ વાડીમાં પશુના ગમાણમાંથી વિદેશી દારૂની અલગ અલગ બ્રાન્ડની નાની મોટી ૯૨ બોટલનો જથ્થો ઝડપી લેવામાં આવ્યો હતો. આ સાથે દરોડા દરમિયાન આરોપી મળી ન આવતા વિદેશી દારૂનો જથ્થો કબ્જે લઇ આરોપી વિરુદ્ધ ગુનો નોંધી આગળની તપાસની તજવીજ હાથ ધરી છે.
મળતી માહિતી મુજબ વાંકાનેર તાલુકા પોલીસે પૂર્વ બાતમીને આધારે વાંકાનેર તાલુકાના ઠીકરીયાળી ગામના તળાવ નજીક હાથીયા નામથી ઓળખાતી સીમમાં આવેલ આરોપી હીતેશભાઇ પ્રેમજીભાઇ સોરાણીની વાડીમાં દરોડો પાડી વાડીમાં આવેલ ઢોરની ગમાણમાંથી વિદેશી દારૂની જુદી જુદી બ્રાન્ડની નાની-મોટી ૯૨ બોટલ ઝડપી લેવામાં આવી છે. જયારે તાલુકા પોલીસના દરોડા દરમિયાન આરોપી હીતેશભાઇ પ્રેમજીભાઇ સોરાણી રહે. ઠીકરીયાળી ગામે વાડીમાં હાજર નહિ મળી આવતા તેને ફરાર દર્શાવી આરોપી વિરુદ્ધ પ્રોહી. એક્ટ હેઠળ ગુન્હો નોંધી આગળની તજવીજ હાથ ધરી છે.
