ભેરડા નજીક બાઇક રોડ પરથી ઉતરી જતા વૃદ્ધનું મોત

વાંકાનેરના લુણસર રોડ પર મોટરસાયકલ રોડ પરથી ઉતરી જતા વૃદ્ધનુ મોત નીપજ્યું તાલુકા પોલીસે ગુન્હો નોંધી ધોરણસરની કાર્યવાહી હાથ ધરી છે

બનાવની વિગત મુજબ વાંકાનેર તાલુકાના લુણસર રોડ ઉપર આવેલા ભેરડા ગામ પાસે ધુસાભાઇ જેસીંગભાઇ ભડાણીયા મોટર સાયકલ લઈને જઇ રહ્યા હતા ત્યારે મોટર સાયકલ પાછળ બેઠેલા કેશવજીભાઈ સરવૈયા પડી જતા માથામાં હેમરેજ થઈ ગયું હતું. અને સારવાર દરમિયાન મોત નિપજતા તેમના પુત્ર પ્રવીણભાઇ કેશવજીભાઇ સરવૈયાએ મોટર સાયકલ ચાલક વિરુદ્ધ વાંકાનેર તાલુકા પોલીસમાં ફરિયાદ નોંધાવી છે.