મોટી દુર્ઘટના સ્હેજમાં અટકી: મોરબીના પાનેલી ગામે પીજીવીસીએલની કાર કોઝવેમાં ફસાતા યુવાનોએ હેમખેમ બહાર કાઢી

મોરબીના પાનેલી ગામે પીજીવીસીએલની કાર રાત્રીના કોઝવેમાં ફસાઇ જતા ગામના યુવાનોએ દોડી જઇ કારને હેમખેમ બહાર કાઢી હતી. જેને પગલે મોટી દુર્ઘટના બનતા સ્હેજમાં અટકી હતી.

મોરબી પંથકમાં ભારે વરસાદને પગલે નદી નાળાઓમાં પુર આવ્યા હતા આ દરમિયાન મોરબી તાલુકાના પાનેલી ગામે પીજીવીસીએલનીની ટિમ રાત્રીના સમયગાળા દરમિયાન વીજ ફોલ્ટ રીપેર કરવા જઇ રહી હતી તે દરમિયાન પાનેલી ગામે આવેલ નદી પાર કોઝ વેના ધસમસતા જળ પ્રવાહમાં
પીજીવીસીએલની કાર ફસાઈ જતા કાર સવાર લોકોના જીવ અધર થઈ ગયા હતા આ અંગે ગામના યુવાનોને જાણ થતાં યુવાનો ઘડીનો પણ વિલંબ કર્યા વગર ઘટના સ્થળે દોડી ગયા હતા. અને તાબડતોબ કોઝવેમાં ફસાયાલી કારને સલામત બહાર કાઢી હતી. જેને પગલે દુર્ઘટના અટકી હતી.