મોરબીના વનાળીયા ગામે પ્રેમલગ્ન મામલે આધેડ પર હુમલો

મોરબીના વનાળીયા ગામે પ્રેમલગ્ન મામલે બોલાચાલી કરી આધેડ પર લાકડી વડે હુમલો કરી ઢીકાપાટુનો મારમારતા ત્રણ સામે બી ડિવિઝન પોલીસ મથકમાં ગુનો દાખલ કરવામાં આવ્યો હતો.

મોરબીના વનાળીયા ગામે રહેતાં મોહનભાઈ હીરાભાઈ ચાવડા પર તેજ ગામના ભલાભાઈ બચુભાઈ ચાવડા તેની પત્ની રેખાબેન અને હમીરભાઈ બચુભાઈ ચાવડાએ ફરિયાદીની દિકરીએ પ્રેમલગ્ન કરેલ હોય તે બાબતે બોલાચાલી કરી બેફામ ગાળો આપી લાકડી વડે મારમારી તથા ઢીકાપાટુનો મારમારતા માથાંમા તથા શરીર પર ઈજા પહોંચાડી હતી પોલીસે આધેડની ફરિયાદ પરથી ત્રણ સામે ૩૨૩,૩૨૪,૫૦૪,૧૧૪ મુજબ ગુનો નોંધી ભલાભાઈ અને હમીરભાઈની ધરપકડ કરી હતી.