ઇંગ્લીશ દારૂના ગુનામાં સંડોવાયેલ થાનના આરોપીને પાસા તળે રાજકોટ જેલ હવાલે કરતી મોરબી એલસીબી

મોરબી એલસીબી પોલીસે દ્વારા ઇંગ્લીશ દારૂના ગુનામાં પોલીસ ઝપટે ચડેલ થાનના આરોપીને પાસા તળે ડીટેઇન કરી રાજકોટની મધ્યસ્થ જેલ ખાતે ધકેલી દેવામાં આવ્યો છે.

મોરબી જિલ્લા પોલીસ વડા સુબોધ ઓડેદરાના માર્ગદર્શન હેઠળ એલસીબીના પીઆઇ વી.બી.જાડેજાને મોરબી જીલ્લા મેજીસ્ટ્રેટ દ્વારા ઇશ્યુ થયેલ પાસા વોરંટની બજવણી કરવા જરૂરી સુચના આપતા જીલ્લા મેજીસ્ટ્રેટના પાસા હુકમ અન્વયે ઈંગ્લીશ દારૂમાં પોલીસ ચોપડે ચડેલા માથાભારે આરોપી સંજયકુમાર ધમાભાઇ સાબળીયા (ઉ.વ .૨૫) રહે . ચોરવીરા ( થાન ) તા.સાયલા જી.સુરેન્દ્રનગર વાળાને આજે પાસા એકટ હેઠળ ડીટેઇન કરી રાજકોટ ખાતે આવેલ મધ્યસ્થ જેલ ખાતે મોકલવામાં આવ્યો હતો.