મોરબીમાં ચોર-ગાંઠિયાઓ દિવસેને દિવસે બેખોફ થઈ રહ્યા છે. તેઓને જાણે પોલીસનો કોઈ ભય જ ના હોય તેમ એક બાદ એક ચીલ ઝડપ, ચોરી સહિતના ગુનાઓને અંજામ આપી રહ્યા ચ્ચે. ત્યારે આવી જ એક ઘટના મોરબી જિલ્લાના વાંકાનેરના માર્કેટ ચોકથી બંધુસમાજ દવાખાના સુધીના રસ્તામાં સામે આવી છે. જેમાં એક મહિલા સાથે ચીલ ઝડપ કરવામાં આવી હતી.
મળતી માહિતી અનુસાર, મોરબી જિલ્લાનાં વાંકાનેરમાં પ્રફુલાબેન સુરેશભાઇ પટેલ વાંકાનેર માર્કેટ ચોકથી પોતાના ઘરે રક્ષામાં જતા હતા. તે સમયે બે અજાણી મહિલાઓ પણ રિક્ષામાં સવાર થઇ હતી અને મહિલાનું ધ્યાન ચૂકવું વાકાનેર માર્કેટ ચોકથી બંધુસમાજ દવાખાના સુધીના વિસ્તારમાં બંને સ્ત્રીઓએ ફરિયાદી મહિલાના ગાળામાં રહેલ ત્રણ સવા ત્રણ તોલાના ચેઇનની ચીલ ઝડપ કરી હતી. જેની અંદાજિત કિંમત રૂ. ૧,પ૦,૦૦૦/- હતી. તેમજ અજાણી મહિલાઓ ઘટનાને અંજામ આપી ત્યાંથી ફરાર થઈ ગઈ હતી. ત્યારે મહિલાએ તેની સાથે ચીલ ઝડપ થઈ હોવાની જાણ થતા જ વાંકાનેર સીટી પોલીસ સ્ટેશનમાં ગુનો નોંધાવ્યો હતો અને પોલીસે આઇ.પી.સી.કલમ ૩૭૯(એ)(૩)૧૧૪, મુજબ ગુનો નોંધી અજાણી મહિલાઓને શોધવા ચક્રો ગતિમાન કર્યા હતા.
