ત્રણ જિલ્લાઓમાં ૧૧ જેટલા ગુન્હામાં સંડોવાયેલ આરોપીને પકડી પાડતી મોરબી એલસીબી

ત્રણ જિલ્લામાં ૧૧ જેટલા ગુન્હામાં સંડોવાયેલ તથા ૭ ગુન્હામાં છેલ્લા એકાદ વર્ષથી નાસતા ફરતા આરોપીને મોરબી એલસીબી અને પેરોલ ફર્લો સ્કવોડ દ્વારા પકડી પડવામાં આવ્યો છે.

ત્યારે આ અંગે મળતી માહિતી મુજબ પેરોલ ફલો સ્કવોડ ના સ્ટાફને ખાનગી રાહે બાતમી મળી હોઈ કે ગુજરાતના ત્રણ જિલ્લા મોરબી, સુરેન્દ્રનગર અને વલસાડ જિલ્લાના અલગ અલગ પોલીસ મથકમાં પ્રોહિબિસન ના ૧૧ જેટલા ગુન્હામાં સંડોવાયેલ તેમજ ૭ જેટલા ગુન્હામાં છેલ્લા એકાદ વર્ષથી નાસતો ફરતો આરોપી બળવંતભાઈ સાપરા ઉ.વ.૩૮ રહે. ચોટીલા સુરેન્દ્રનગર વાળો હાલ સુરેન્દ્રનગર ના વિમલનાથ સોસાયટી, નેમિનાથ ફ્લેટની પાછળ રહેતો હોઈ ત્યારે બાતમીના આધારે તપાસ કરી રેઇડ કરતા આરોપી બળવંતભાઈ સાપરા મળી આવ્યો હતો ત્યારે તેની હસ્તગત કરી વધુ કાર્યવાહી માટે મોરબી તાલુકા પોલીસ મથક ખાતે સોંપી આપવામાં આવેલ છે.