વાંકાનેરના સરતાનપર રોડ પર સ્ટેરીંગ પરથી કાબુ ગુમાવતા ટેન્કરે પલ્ટી મારી જતાં ચાલકનું મોત

મોરબી જિલ્લાનાં વાંકાનેરનાં સરતાનપર રોડ પર પાવર હાઉસથી આગળ નેક્ષટાઇલ્સ સીરામીક સામે ભયજનક વળાંકમાં એક ગમખ્વાર અકસ્માત સર્જાયો હતો.

મળતી માહિતી અનુસાર, વાંકાનેરનાં સરતાનપર રોડ પર પાવર હાઉસથી આગળ નેક્ષટાઇલ્સ સીરામીક સામે એક ભયજનક વળાંક આવેલ છે. જ્યાંથી માખનલાલ દેવરાજ વર્મા નામના આધેડે પોતાનું KA-01-AM-5638 નંબરનું ગેસ ટેન્કર બેફીકરાઇથી પુરપાટ ઝડપે ચલાવતા અચાનક તેઓએ સ્ટેરીંગ પરથી કાબુ ગુમાવ્યો હતો. જેના કારણે ટેન્કર પલ્ટી ખાઇ જતા ટેન્કર ચાલકને ગંભીર ઈજાઓ પહોંચવા પામી હતી. જેનાં કારણે તેનું મોત નીપજ્યું હતું. ત્યારે બનાવને પગલે વાંકાનેર તાલુકા પોલીસ સ્ટેશનનો કાફલો ઘટનાસ્થળે પહોંચ્યો હતો. અને આગળની કાર્યવાહી શરુ કરી હતી.