મોરબીમાં વધુ એક ટ્રક યમદૂત બની એક વ્યક્તિની જિંદગી હોમી ગયો હતો. જેમાં લાલપર ગામે ઓનેસ્ટ હોટલ સામે મોરબી વાકાનેર રોડ ઉપર એક ટ્રકના ચાલકે પોતાનું ટ્રક પુરપાટ ઝડપે ચલાવી આવી આધેડની સ્કૂટીને હડફેટે લેતા આધેડનું કમકમાટી ભર્યું મોત નીપજ્યું હતું. જયારે ટ્રક ચાલક ટ્રક મૂકી ફરાર થઈ જતા સમગ્ર મામલે મૃતકના પુત્ર દ્વારા મોરબી તાલુકા પોલીસ સ્ટેશનમાં ફરિયાદ દાખલ કરાવવામાં આવી હતી.
મળતી માહિતી અનુસાર, મોરબીમાં પાવન પાર્ક શેરી નંબર-૧ ખાતે રહેતા મુકેશભાઇ પરસોતમભાઇ ચૈાહાણ પોતાનું GJ-03-DQ-8639 નંબરનું ટી.વી.એસ. કંપનીનુ સ્કુટી લઈને પાનેલી રોડ ઉપર કારખાને તાવો ખાવા જતા હતા ત્યારે લાલપર ગામ પાસે હોનેસ્ટ હોટલની સામે મોરબી વાકાનેર રોડ ઉપર RJ-19-GH-8117 નંબરના ટ્રકનાં ચાલકે પોતાનું ટ્રક પુરપાટ ઝડપે ચલાવી આવી સ્કુટીને હડફેટ લઇ લેતા આધેડનાં બન્ને હાથમા તથા શરીરે ગંભીર ઇજા પહોંચાડતા તેમનું ઘટનાસ્થળે જ કમકમાટી ભર્યું મોત નીપજ્યું હતું. જયારે ટ્રક ચાલક ટ્રક મુકી નાશી જતા સમગ્ર મામલે મૃતકનાં પુત્ર યશભાઇ મુકેશભાઇ ચૈાહાણ દ્વારા મોરબી તાલુકા પોલીસ સ્ટેશનમાં ફરિયાદ દાખલ કરાવવામાં આવી હતી.
