વાંકાનેરમાં જૂની અદાવતમાં મહિલા સહીત બે લોકોને મળી જાનથી મારી નાખવાની ધમકી

વાંકાનેરનાં આંબેડકરનગર વિસ્તારમાં મારામારીની વધુ એક ઘટના સામે આવી છે. જેમાં અગાઉ થયેલ બોલાચાલીમાં પરિણીત મહિલા સહીત બે લોકોને એક ઈસમે માર મારી જાનથી મારી નાખવાની ધમકી આપતા સમગ્ર મામલે વાંકાનેર સીટી પોલીસ સ્ટેશનમાં ફરિયાદ નોંધાઈ છે.

મળતી માહિતી અનુસાર, વાંકાનેરમાં ડો.આંબેડકરનગર શેરી નં-૫ માં રહેતા જયશ્રીબેન દીનેશભાઇ ઝાલા નામના મહિલા તથા સાહેદ તેમની શેરીમાં આવતા બે દિવસ પૂર્વે થયેલ બોલાચાલી બાબતે દીપકભાઇ બાબુભાઇ વાધેલા (રહે,વાંકાનેર આંબેડકરનગર શેરી નં-૫)એ મહિલા તથા સાહેદને જેમ તેમ ગાળોબોલી ઢીંકાપાટુનો મુંઢ મારા મારી જાનથી મારી નાખવાની ધમકી આપતા સમગ્ર મામલે વાંકાનેર સીટી પોલીસ સ્ટેશનમાં ફરિયાદ દાખલ કરવામાં આવી છે.