મોરબીના રંગપર ગામની સીમમાં આવેલ જેતપર મોરબી રોડ પર વધુ એક અકસ્માતની ઘટના સામે આવી છે. જેમાં ટ્રકના ચાલકે મોટરસાઇકલને ઓવરટેક કરતી વખતે ખાલી સાઇડના પાછળના જોટામા મોટરસાઇકલને હડફેટે લેતા મોટરસાઇકલ ચાલક યુવકનું ઘટનાસ્થળે જ મોત નીપજ્યું હતું. જયારે તેની પાછળ બેસેલ અન્ય યુવક ગંભીર રીતે ઈજાગ્રસ્ત થતા તેને સારવારમાં ખસેડવામાં આવ્યો હતો. તેમજ સમગ્ર મામલે મૃતકનાં પિતા દ્વારા મોરબી તાલુકા પોલીસ સ્ટેશનમાં ફરિયાદ દાખલ કરવામાં આવી છે.
મળતી માહિતી અનુસાર, મોરબીના રાજકોટ, ૧૫૦ ફુટ રીંગ રોડ, બાલાજી હોલ પાસે શ્રી રામ પાર્ક શેરી નં-૦૩ ખાતે રહેતા પાર્થભાઇ માખેસણા તેના મિત્ર પાર્થભાઇ અનિલભાઇ કણસાગરા સાથે GJ-36-AB-8146 નંબરની મોટરસાઇકલ લઈ મોરબીના રંગપર ગામની સીમમાં આવેલ જેતપર મોરબી રોડ પરથી પસાર થઇ રહ્યો હતો. ત્યારે RJ-21-GD-8199 નંબરના ટ્રકના ચાલકે પોતાનું ટ્રક પુરપાટ ઝડપે ચલાવી સોમનાથ પેટ્રોલપંપ આગળ યુવકની મોટરસાઇકલને ઓવરટેક કરતી વખતે ટ્રકે ખાલી સાઇડના પાછળના જોટામા હડફેટે લેતા મોટરસાઇકલ ચાલક યુવક પાર્થભાઇ માખેસણાને શરીરે તથા માથાના ભાગે થતા છાતીના ભાગે ટાયરનો જોટો ફરી વળતા, તેનું સ્થળ પર જ મોત નીપજ્યું હતું. તેમજ પાછળ બેસેલ પાર્થ અનિલભાઇ કણસાગરાને પગમા તથા શરીરે સામાન્ય ઇજા પહોંચતા તેને સારવારમાં હોસ્પિટલ ખસેડવામાં આવ્યા હતા. જે સમગ્ર મામલે મૃતકના પિતા નવનીતભાઇ ત્રિકમભાઇ માખેસણાએ મોરબી તાલુકા પોલીસ સ્ટેશનમાં ટ્રક ચાલક વિરુદ્ધ ફરિયાદ દાખલ કરાવી છે.
