મોરબીના જેલ રોડ પર રખડતાં ઢોર હડફેટે શેરીમાં રમતા બાળક ઈજાગ્રસ્ત

મોરબીમાં રસ્તા પર રખડતાં ઢોરનો આતંક દિવસે ને દિવસે વધી રહ્યો છે. રખડતાં ઢોરના હુમલાનો ભોગ શહેરીજનો બની રહ્યા છે. ત્યારે ગઈકાલે મોરબીમાં રખડતા ઢોરના કારણે એક બાળક ગંભીર ઇજાગ્રસ્ત થયો છે.

મળતી માહિતી અનુસાર, મોરબીના જેલ રોડ નજીકના વણકરવાસમાં રહેતા નિશ્ચય ભાવેશભાઇ દલસાણીયા નામનો ૬ વર્ષનો નાનો બાળક ગઈકાલે પોતાના ઘરના આંગણે રમી રહ્યો હતો. ત્યારે રખડતા ઢોરે સ્થળ પર ધસી આવી બાળકને હડફેટે લીધો હતો. ત્યારે બનાવને પગલે સ્થાનિક લોકોમા ખુબ જ આક્રોસ જોવા મળી રહ્યો છે.અને રખડતાં ઢોર ની સમસ્યા વર્ષોથી વણ ઉકેલાયેલ છે અને આવા અનેક અક્સમતો મોરબીના બન્યા છે જેથી હવે આવા અકસ્માતો અટકે અને આ સમસ્યાનો કાયમી નિકાલ કરવામાં આવે તેવી સ્થાનિકો દ્વારા માંગ કરવામાં આવી છે.