મોરબીનાં કાયાજી પ્લોટ વિસ્તારમાંથી થઈ મોટરસાઇકલ ચોરી થયાની ફરિયાદ નોંધાઈ

મોરબીનાં કાયાજી પ્લોટમાંથી વધુ એક બાઈક ચોરીની ઘટના સામે આવી છે. જેમાં કોઈ અજાણ્યો ચોર ઈસમ શેરીમાં પાર્ક કરેલ મોટરસાઇકલ ચોરી કરી લઈ જતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરવામાં આવી છે.

મળતી માહિતી અનુસાર, મોરબી કાહ્યાજી પ્લોટ શેરી નં.૪માં રહેતા દિવ્યેશભાઈ રજનીકાંતભાઈ વાઢેર નામના યુવકે પોતાના ઘર પાસે તેની માલીકીનુ બજાજ ઓટો એલટીડી કંપનીનું .રૂ.૮૦,૦૦૦/- ની કિંમતનું GJ-36-AE-6071 નંબરનું કાળા કલરનું લાલ પટાવાળુ પલ્સર 125 DTS-I મોટર સાયકલ પાર્ક કરેલ હતું. જે કોઈ અજાણ્યો ચોર ઈસમ રાત્રીના અંધારાનો લાભ લઈ ચોરી કરી લઈ જતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરાવવામાં આવી છે.