મોરબીના પંચાસર રોડે પાણીના ટાંકામાં પડેલ રાષ્ટ્રીય પક્ષી મોરનું રેસ્ક્યુ કરી સલામત સ્થળે ખસેડતા ફાયરના જવાનો

મોરબીનાં પંચાસર રોડ ઉપર આવેલા એસટીપી પ્લાન્ટના ખુલ્લા પાણીના ટાંકામાં પડી ગયેલા રાષ્ટ્રીય પક્ષી મોરનું ફાયર વિભાગ દ્વારા રેસ્ક્યુ કરી મોરનો જીવ બચાવ્યો હોવાની ઘટના સામે આવી છે. મોરને કુવામાંથી બહાર કાઢી સુરક્ષિત રીતે મુક્ત કરાતા ગ્રામજનોએ હાસકારો અનુભવ્યો હતો.

મળતી માહિતી અનુસાર, મોરબી નગરપાલિકાના પંચાસર રોડ ઉપર આવેલા એસટીપી પ્લાન્ટના ખુલ્લા પાણીના ટાંકામાં આજ રોજ એક મોર પડી ગયો હોવાના મોરબી ફાયર એન્ડ ઇમરજન્સી સર્વિસિસના કોલ સેન્ટરમાં ફોન આવતા મોરબી ફાયર એન્ડ ઇમરજન્સી સર્વિસિસનો કાફલો ઘટના સ્થળે પહોંચ્યો હતો. અને મોરનું સફળતાથી રેસ્ક્યુ કરી વન વિભાગને ફાયર વિભાગ દ્વારા જાણ કરવામાં આવી હતી. જેથી વન વિભાગ દ્વારા મોરને સુરક્ષિત જગ્યાએ લઈ જવામાં આવ્યો હતો.