મોરબીના ગોરખીજડીયા ગામના પાટીયા પાસેથી પિસ્તોલ સાથે એક ઈસમ ઝડપાયો

મોરબી તાલુકા પોલીસે ગેરકાયદેસર હથિયાર રાખતા ઇમસોને શોધી કાઢવા પ્રયત્નશીલ હોયદરમિયાન તેઓએ મળેલ બાતમીનાં આધારે મોરબી તાલુકાના ગોરખીજડીયા ગામના પાટીયા પાસેથી એક શખ્સને હાથ બનાવટની મેગ્જીનવાળી પિસ્તોલ સાથે પકડી પાડી કાયદેસરની કાર્યવાહી હાથ ધરી છે.

મળતી માહિતી અનુસાર, મોરબી તાલુકા પોલીસની ટીમ ગઈકાલે પેટ્રોલિંગમાં હતી. ત્યારે તેઓને બાતમીમળી હતી કે, મોરબી તાલુકાના ગોરખીજડીયા ગામના પાટીયા પાસે એક શખ્સ પોતાના પેન્ટના નેફામાં ગેર કાયદેસર હાથ બનાવટની મેગ્જીનવાળી પિસ્તોલ લઈ ફરે છે. જે હકીકતનાં આધારે પોલીસે સ્થળ પર રેઈડ કરી શાહરૂખભાઇ હનીફભાઇ ચાનીયા (રહે. સો-ઓરડી, વરીયા મંદિર પાછળ, મોરબી-૦૨) નામના શખ્સને રૂ.૧૦,૦૦૦/- ની કિંમતની મેગ્જીનવાળી પિસ્તોલ હથિયાર સાથે પકડી પાડી કાયદેસરની કાર્યવાહી હાથ ધરી છે.