મોરબીની પરિણીતાને સંતાન ન હોવા બાબતે સાસરિયાઓએ ત્રાસ આપતા મામલો પોલીસ મથકે પહોંચ્યો

મોરબીમાં વધુ એક પરણિતા પર દમન ગુજારવામાં આવ્યો હોવાની ઘટના સામે આવી છે. જેમાં પરણિતાને ઘરકામ બાબતે તથા સંતાન ન હોય એ બાબતે મેણાટોણા મારી ગાળો આપી મારકુટ કરતા સાસરિયાઓ વિરુદ્ધ પરણિતાએ મોરબી મહિલા પોલીસ સ્ટેશનમાં ફરિયાદ નોંધાવી છે.

મળતી માહિતી અનુસાર, મોરબીના વાલ્મીકી વાસ મેઈન રોડ સબ જેલ સામે રહેતા યશોમતીબેન નિલેશભાઇ સોલંકીને પતિ – નિલેશભાઇ ધનશ્યામભાઇ સોલંકી, સસરા – ધનશ્યામભાઇ નરસીભાઇ સોલંકી તથા સાસુ – ભારતીબેન ધનશ્યામભાઇ સોલંકી (રહે- રેલનગર શેરી ન.૬ ફાયર બીગ્રેડ ની આગળ અવધ પાર્ક સોસાયટી રાજકોટ) ઘરકામ બાબતે તથા સંતાન ન હોય એ બાબતે મેણાટોણા મારી ગાળો આપી મારકુટ કરી શારીરીક અને માનસીક દુ:ખ ત્રાસ આપતા હોય જેથી પરણિતાએ કંટાળી આખરે મોરબી મહિલા પોલીસ સ્ટેશનમાં ફરિયાદ નોંધાવી છે.