આગામી લોકસભાની ચૂંટણીને લઈને કોંગ્રેસ એક્શન મોડમાં આવી છે. ગુજરાત પ્રદેશ કોંગ્રેસની સુચાનાથી મોરબી જિલ્લા કોંગ્રેસ દ્વારા એક અગત્યની મીટીંગનું આયોજન કરવામાં આવ્યું છે. ગુજરાત પ્રદેશ કોંગ્રેસના ઉપ પ્રમુખ, પ્રદેશ મહામંત્રી તેમજ જીલ્લા કોંગ્રેસ પ્રમુખની અધ્યક્ષતામાં અગત્યની મીટીંગ યોજવામાં આવશે.
મળતી માહિતી અનુસાર, આગામી લોસભાની ચુંટણીને લઈને કોંગ્રેસ એક્શનમાં આવી છે. ગુજરાત પ્રદેશ કોંગ્રેસ સમિતિની સૂચના અનુસાર મોરબી જિલ્લા કોગ્રેસ પક્ષના આગેવાનો, હોદેદારો, કાર્યકરોની એક અગત્યની મીટીંગ મોરબી જિલ્લા કોંગ્રેસ કાર્યાલય ખાતે આગામી ૨૩/૦૮/૨૦૨૩ને બુધવારના રોજ રાખવામાં આવી છે, તેમાં ગુજરાત પ્રદેશ કોંગ્રેસના ઉપ પ્રમુખ દિનેશભાઈ પરમાર, પ્રદેશ મહામંત્રી નવલસિંહ જાડેજા તથા મોરબી જિલ્લા કૉંગ્રેસ પ્રમુખ જયંતીભાઈ જે પટેલ ઉપસ્થિત રહેશે. આ અગત્યની મીટીંગમા જિલ્લા, તાલુકા અને શહેરના આગેવાનો, હોદેદારો, ચૂંટાયેલા સભ્યો, ચુંટણી લડેલ ઉમેદવારો તેમજ દરેક ફ્રન્ટલ સેલના હોદ્દેદારો અને સર્વ કાર્યકરોએ હાજરી આપવા જિલ્લા કોંગ્રેસ દ્વારા સુચના આપવામાં આવી છે.
