હળવદનાં રાણેકપર રોડ પાસે કુદરતી હાજતે ગયેલ યુવકનું તળાવમાં પડી જતા મોત

હળવદનાં રાણેકપર રોડ પંચામ્રુત બંગ્લોઝની બાજુમા આવેલ તળાવ પાસે કુદરતી હાજતે ગયેલ યુવકનું અગમ્ય કારણોસર તળાવમાં પડી જતા ડૂબી જતા મોત નીપજ્યું છે. ત્યારે બનાવની જાણ થતા હળવદ પોલીસનો કાફલો ઘટનાસ્થળે પહોંચ્યો હતો. અને આગળની કાર્યવાહી શરુ કરી હતી.

મળતી માહિતી અનુસાર, હળવદનાં રાણેકપર રોડ આનંદ બંગ્લોઝ પાછળ પંચામ્રુત બંગ્લોઝમાં રહેતા કિશનભાઇ ધીસાભાઇ સાપલીયા ગઈકાલે બપોરના સમયે રાણેકપર રોડ પંચામ્રુત બંગ્લોઝની બાજુમા આવેલ તળાવ પાસે કુદરતી હાજતે ગયા હોય ત્યારે અકસ્માતે તળાવના પાણીમાં પડી જતા તળાવના પાણીમાં ડુબી જતા તેઓનું મોત નીપજ્યું હતું. ત્યારે બનાવને પગલે સ્થાનિકોએ હળવદ પોલીસને બનાવની જાણ કરતા પોલીસ કાફલો ઘાતસ્થળે પહોંચ્યો હતો અને મૃતદેહ બહાર કાઢી પીએમ અર્થે ખસેડી બનાવની નોંધ કરી આગળની કાર્યવાહી હાથ ધરી હતી.