મોરબીમાં રૂપિયા ૨.૨૦ લાખની કિંમતના સાવરણી બનાવવાનાં ધાસના કટ્ટાની ચોરી

મોરબીમાં ચોરી-લૂંટફાટના બનાવો દિન પ્રતિદિન વધી રહ્યા છે. ત્યારે ગત તા.૨૩/૦૮/૨૦૨૩ ના રોજ ભર બપોરે કોઈ અજાણ્યા ચોર ઈસમે સાવરણી બનાવવા માટેના ધાસના કટ્ટાનાં આશરે ૨ લાખથી વધુનાં માલ સામાનની ચોરી કરતા સમગ્ર મામલે મોરબી સીટી બી ડિવિઝન પોલીસ સ્ટેશનમાં ફરિયાદ નોંધાઈ છે.

મળતી માહિતી અનુસાર, મોરબીમાં વીશીપરા મદીના સોસાયટીમાં અનવરભાઇની ચકિકની બાજુમાં રહેતા મુજીબખાન નજરમહમદભાઇ પઠાણનાં વંડા (ડેલા)માં રાખેલ સાવરણી બનાવવા માટેના આશરે ૨.૨૦ લાખની કિંમતના ૬૮ ધાસના કટ્ટાની ગત તા.૨૩/૦૮/૨૦૨૩ ના રોજ ભર બપોરે કોઈ અજાણ્યા ચોર ઈસમે ચોરી કરી લેતા સમગ્ર મામલે મોરબી સીટી બી ડિવિઝન પોલીસ સ્ટેશનમાં ફરિયાદ નોંધાઈ છે.