મોરબી જિલ્લા પંચાયતના પ્રમુખ-ઉપપ્રમુખની ચૂંટણી યોજાઇ હતી. જેમાં સામાન્ય સભામાં ભાજપના પ્રમુખ, ઉપપ્રમુખ,કારોબારી સમિતિના ચેરમેન અને શાસક પક્ષના નેતાની વરણી કરવામાં આવી હતી. ત્યારે આજ રોજ મોરબી તાલુકા પંચાયતના નવનિર્મિત કારોબારી ચેરમેન અશ્વીન પાટડીયાનું ગુજરાત ક્ષત્રિય ઠાકોર સેના દ્વારા સન્માન કરવામાં આવ્યું હતું.
આજ રોજ ગુજરાત ક્ષત્રિય ઠાકોર સેના મોરબી તાલુકા શહેર સમિતિ દ્વારા નવ નિમણુક મોરબી તાલુકા પંચાયત કારોબારી ચેરમેન અશ્વીનભાઈ ગોરધનભાઈ પાટડીયા (તુલસીભાઈ પાટડીયા )નુ સિલ્ડ તેમજ ફુલ હાર પહેરાવીને સન્માનિત કરવામાં આવ્યું હતું. તેમજ ગુજરાત ક્ષત્રિય ઠાકોર સેના મોરબી તાલુકા શહેર સમિતિમાં ગૌરવની લાગણી સાથે શુભેચ્છાઓ પાઠવવા આવી હતી. જેમાં ગુજરાત ક્ષત્રિય ઠાકોર સેના મોરબી તાલુકા શહેરના હોદેદારો, કાર્યકરતા તેમજ વડીલો ઠાકોર સમાજના આગેવાનો મોટી સંખ્યા હાજર રહ્યા હતા.
