મોરબીમાં જુગારીઓ પકડાવવાનો સિલસિલો યથાવત રહ્યો છે. ગઈકાલે મોરબી સીટી એ ડિવીઝન પોલીસની ટીમે મોરબી નવાબસસ્ટેન્ડ પટેલપાન પાસે રેઈડ કરી જુગાર રમતા આંઠ ઈસમોને પકડી પાડી તમામ વિરુધ્ધ જુગારધારા કલમ ૧૨ મુજબ ગુન્હો નોંધી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબી સીટી એ ડિવીઝન પોલીસની ટીમે ગઈકાલે બાતમીનાં આધારે મોરબી નવા બસસ્ટેન્ડ પટેલ પાન પાસે રેઈડ કરી જાહેરમા ચલણી નોટોના નંબર ઉપર રૂપિયાની હારજીતનો નશીબ આધારીત નોટ નંબરીનો જુગાર રમી રમતા કિશનભાઇ ભીખાભાઇ મેવાડા, પ્રકાશભાઇ નરભેરામભાઇ, મોસીન ઉર્ફે માસ્ક સલીમભાઇ મોવર, સમીરભાઇ રફીકભાઇ પલેજા, હુશેનભાઇ રજાકભાઇ રાઉમા, કાળુસિંગ પ્રભુસિંગ રાવત, સલીમ ઉર્ફે ડેનીશ હાજીભાઇ સુમરા તથા દિપકભાઇ રાજુભાઇ બુધ્ધદેવ કુલ રોકડા રૂ.૫૧,૭૦૦/- ના મુદામાલ સાથે મળી આવતા તેમની અટકાયત કરી કાયદેસરની કાર્યવાહી હાથ ધરવામાં આવી છે.
