નીરુબેનનગર ગામે રહેણાંક મકાનમાં થઈ સોનાની તેમજ રોકડની ચોરી

માળીયા મીયાણા નીરુબેનનગર ગામે એક રહેણાંક મકાને રાત્રીના સમયે કોઇ અજાણ્યો ચોર ઇસમ ઘરની બારી તોડી ઘરમા પ્રવેશ કરી સોનાનો હાર તથા રોકડા રૂપીયા ચોરી કરી નાશી જતાં સમગ્ર મામલે માળીયા મીયાણા પોલીસ સ્ટેશનમાં ફરિયાદ નોંધાઈ છે.

મળતી માહિતી અનુસાર, માળીયા મીયાણાનાં નીરુબેનનગર ગામે આવેલ કિશોરભાઇ શીવાભાઇ ધામેચાના રહેણાંક મકાને ગત તારીખ 22/10/2023 ના રોજ રાત્રીના સમયે કોઇ અજાણ્યો ચોર ઇસમે ફરીયાદીના ઘરની બારી તોડી ઘરમા પ્રવેશ કરી લોખંડના કબાટમા લોકરમા રાખેલ સોનાનો હાર આશરે બે તોલાનો જેની આશરે કિંમત રૂ.80,000 તથા રોકડા રૂ.17,000/- એમ કુલ રૂ.97,000/- ની ચોરી કરી લઇ જતા સમગ્ર મામલે માળીયા મીયાણા પોલીસ સ્ટેશન ખાતે અજાણ્યા ઇસમ સામે ગુન્હો દાખલ કરાયો છે.