મોરબીમાં માર્ગ અકસ્માતમાં વધુ એક જિંદગી હોમાઈ હોવાની ઘટના સામે આવી છે. જેમાં પુરપાટ ઝડપે જતા અજાણ્યા વાહન ચાલકે રાહદારી વૃદ્ધને હડફેટે લેતા વૃદ્ધનું ઘટનાસ્થળે જ મોત નીપજ્યું હતું. જે સમગ્ર મામલે મૃતકનાં પુત્ર દ્વારા મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરાવવામાં આવી છે.
મળતી માહિતી અનુસાર, ટંકારાનાં મેઘપર ઝાલા ગામ ખાતે રહેતા યોગીરાજસિંહ હરદેવસિંહ ઝાલાનાં પિતા હરદેવસિંહ ઝાલા ગઈકાલે સવારના સમયે ચાલીને મોરબી રાજપર રોડ ધવલ ઓઇલ મીલની પાસેથી પસાર થઈ રહ્યા હોય ત્યારે અજાણ્યા વાહન ચાલકે પોતાનુ વાહન બેદરકારી પુર્વક લોકોની જીંદગી જોખમાઇ તે રીતે રાજપર ગામ તરફથી મોરબી બાજુ પુર ઝડપે હંકારી લાવીને હરદેવસિંહ ચાલીને જતા હોય તેની સાથે પાછળથી અથડાવી પછાડી દઇ માથાના પાછળના ભાગે ગંભીર ઇજા તેમજ શરીરે છોલછલ જેવી ઇજા પહોચાડી મોત નીપજાવી નાસી જતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરાવવામાં આવી છે.
