વાંકાનેરનાં હશનપર ગામેથી જાહેરમાં જુગાર રમતા ચાર પત્તાપ્રેમીઓ ઝડપાયા

વાંકાનેરમાં જુગાર રમતા ઈસમો પકડાવવાનો સિલસિલો યથાવત રહ્યો છે. ગઈકાલે વાંકાનેર સીટી પોલીસની ટીમે હશનપર ગામે આવેલ બી.પી.એલ ચોકમાંથી જાહેરમાં જુગાર રમતા ચાર ઈસમોને રોકડા રૂ.૧૦,૪૦૦/-ના મુદ્દામાલ સાથે પકડી પાડી કાયદેસરની કાર્યવાહી હાથ ધરી છે.

મળતી માહિતી અનુસાર, વાંકાનેર સીટી પોલીસની ટીમ ગઈકાલે પેટ્રોલિંગમાં હોય તે દરમિયાન તેઓને બાતમી મળી હતી કે, હશનપર ગામે બી.પી.એલ ચોકમાં અમુક ઈસમો જાહેરમાં ગંજીપતાના પાનાવતી પૈસાની લેતી દેતી કરી તીન પતીનો હારજીતનો જુગાર રમી રહ્યા છે. જે હકીકતના આધારે પોલીસે સ્થળ પર રેઈડ કરી મુકેશભાઇ સુરેશભાઇ દલસાણીયા, રણજીતભાઇ બાબુબાઇ ટોટા,, મહેશભાઇ ખોડાભાઇ કુણપરા તથા અનીલભાઇ રાજુભાઇ પડસારીયા (રહે.બધા-હશનપર તા.વાંકાનેર જી.મોરબી) નામના શખ્સોને રોકડા રૂ.૧૦,૪૦૦/-ના મુદ્દામાલ સાથે પકડી પાડી કાયદેસરની કાર્યવાહી હાથ ધરી છે.