વાંકાનેર ટાઉન હોલમાંથી જુગાર રમતા બે ઈસમો ઝડપાયા

વાંકાનેરમાંથી જુગારીઓ ઝડપાવવાનો સિલસિલો યથાવત રહ્યો છે. જેમાં વાંકાનેર ટાઉન હોલમા જુગાર રમતા બે ઈસમોને વાંકાનેર સીટી પોલીસની ટીમે પકડી પાડી કાયદેસરની કાર્યવાહી હાથ ધરી છે.

મળતી માહિતી અનુસાર, વાંકાનેર સીટી પોલીસની ટીમ ગઈકાલે પેટ્રોલિંગમાં હોય ત્યારે તેઓને બાતમી મળી હતી કે, વાંકાનેર ટાઉન હોલમા બે ઈસમો ગે.કા. રીતે જાહેરમાં ગંજીપતાના પાનાવતી પૈસાની લેતી દેતી કરી તીન પતીનો હારજીતનો જુગાર રમી રહ્યા છે. જે હકીકતનાં આધારે પોલીસે સ્થળ પર રેઇડ કરી રણછોડભાઈ સોમાભાઈ સાગઠીયા તથા અશોકભાઈ છગનભાઈ મકવાણા નામના ઈસમોને પકડી પાડી તેમની પાસેથી રોકડા રૂ.૧૦,૬૫૦/-નો મુદ્દામાલ કબ્જે કરવામાં આવ્યો છે.