મોરબીમાં ફરી એક વખત ટ્રક યમદૂત બન્યો છે. જેમાં પુરપાટ ઝડપે જતા અજાણ્યા ટ્રકનાં ચાલકે પોતાનું ટ્રક પુરપાટ ઝડપે ચલાવી બાઇકને હડફેટે લેતા બાઈક સવાર એક યુવકનું માથું આ ટ્રકના વ્હીલમાં આવી જતા યુવકનું મોત નીપજ્યું હતું. જયારે એક યુવક ઈજાગ્રસ્ત થતા તેને સારવારમાં ખસેડવામાં આવ્યો હતો. જે સમગ્ર મામલે મોરબી તાલુકા પોલીસ સ્ટેશનમાં ગુન્હો દાખલ કરવામાં આવ્યો છે.
મળતી માહિતી અનુસાર, વાંકાનેરનાં પ્રતાપચોક બ્રામણ શેરીમાં રહેતા ઈલેશભાઈ અતુલભાઈ મહેતાનાં ભાઈ કશ્યપભાઈ મહેતા તેના મિત્ર અનંતભાઈ જસવંતભાઈ સાથે અનંતભાઈનું GJ-36-N-6861 નંબરનું હોન્ડા સાઈન મોટરસાઈકલ લઈ વાંકાનેર આવતા હતા. ત્યારે એક અજાણ્યા ટ્રક ચાલકે પોતાના હવાલા વાળૂ વાહન પુર ઝડપે અને ગફલતભરી રીતે માણસોની જીંદગી જોખમાય તેમ બેફીકરાયથી બેદરકારીથી ચલાવી અનંતભાઈની મોટરસાઈકલને મોરબી માળીયા હાઈવે ટીંબડી ગામનાં પાટિયા આગળ આવેલ ઓએસીસ કારખાના સામે આવેલ આઈમાતા રામદેવ હોટલ સામે હાઈવે રોડ પર હડફેટે લઇ પછાડી દેતા ફરીયાદીનાં ભાઈ કશ્યપભાઈનું માથું આ ટ્રકના વ્હીલમાં આવી જતા માથામાં ગંભીર ઇજા થતા સ્થળ પર જ તેનું મોટ નીપજ્યું હતું. જયારે અનંતભાઈને પગમાં ફેકચર જેવી ઈજા તેમજ શરીરે મુંઢ થતા તેને સારવારમાં ખસેડવામાં આવ્યો હતો. તેમજ આરોપી પોતાનું વાહન લઇ ફરાર થઇ જતા સમગ્ર મામલે મોરબી તાલુકા પોલીસ સ્ટેશનમાં ફરિયાદ નોંધાઈ છે.
