ટંકારા તાલુકાના સજનપર ગામે ચાર ઇસમોએ જેસીબી સાથે આવી ધમકી તેમની પાડોશમાં રહેલ વાડીના દરવાજા અને સિમેન્ટ પોલ તોડી નાખી વાડીમાં વાવેલ કપાસના પાક ઉપર જેસીબી ફેરવી દઈ ખેડૂતનું નુકશાન કરતાં સમગ્ર મામલે ચારેય ઇસમો વિરુધ્ધ ટંકારા પોલીસ સ્ટેશનમા ગુન્હો નોંધાયો છે.
મળતી માહિતી અનુસાર, ટંકારાના સજનપર ગામે વાડી ધરાવતા વાંકાનેના દિવાનપરા, પાંજરા પોળની બાજુમાં રહેતા પંકજકુમાર દિવેશ્વરભાઈ ત્રિવેદીની વાડીમાં તેમની પાડોશી વાડીના પ્રવિણભાઈ નાથાભાઈ ધોડાસરા (રહે.ક્રિએશન કન્સલ્ટન્ટ, વિશ્વકર્મા કોમ્પલેક્ષ, ૧૫૦ ફુટ રિંગ રોડ, રૈયા ચોકડી પાસે,, રાજકોટ શહેર), હસમુખભાઈ વાઘજીભાઇ બોડા (રહે. ગામ, ટંકારા, તા. ટંકારા, જી. મોરબી), જયેશભાઇ લાલજીભાઇ પટેલ ( રહે. ગામ. સજનપર, તા. ટંકારા, જી. મોરબી) તથા કિશોરભાઈ લવજીભાઈ પટેલ ( રહે. ગામ, સજનપર, તા. ટંકારા, જી. મોરબી) નામના શખ્સોએ બહારથી જેસીબી બોલાવી ફરિયાદીની વાડીનો દરવાજો, સિમેન્ટનો પોલ તોડી નાખી કપાસના પાકમાં જેસીબી ફેરવી દેતા ચારેય વિરુદ્ધ ટંકારા પોલીસ સ્ટેશનમાં ગુન્હો નોંધાયો છે.
