કાર ચાલક અકસ્માત સર્જી ક્રેટા કાર મૂકી નાસી ગયો
હળવદના માથક રોડ ઉપર કડિયાણા ગામ નજીક ક્રેટા કાર તથા બાઈક વચ્ચે અકસ્માતમાં બાઈક સવાર બે લોકોને માથાના ભાગે તથા શરીરે નાની મોટી ઈજાઓ થઇ હતી. અકસ્માત સર્જી ક્રેટા કાર ચાલક પોતાના હવાલાવાળી કાર રેઢી મૂકી ઘટના સ્થળેથી નાસી ગયો હતો.
મળતી માહિતી અનુસાર હળવદના કડિયાણા ગામ નજીક ક્રેટા કાર રજી. જીજે-૩૬-એફ-૮૬૮૫ ના ચાલકે પોતાની કાર પુરઝડપે અને ગફલતભરી રીતે ચલાવી બાઈક રજી.જીજે-૩૬-એન-૬૬૩૯ સાથે અથડાવી અકસ્માત સર્જય હતો. અકસ્માતમાં બાઈક સવાર બે લોકો રામજીભાઈ અને સોમાભાઈને માથાના અને શરીરના ભાગે નાની મોટી ઈજાઓ પહોંચાડી ક્રેટા કાર ચાલક પોતાની કાર રેઢી મૂકી નાસી ગયો હતો. ત્યારે અકસ્માત અંગે ઈજાગ્રસ્ત રામજીભાઇ રૂપાભાઇ ઉઘરેજા ઉવ.૫૫ રહે. સરંભડા ગામ તા.હળવદ જી.મોરબી દ્વારા હળવદ પોલીસ મથકમાં ફરિયાદ નોંધાવતા પોલીસે ક્રેટા કાર ચાલક વિરુદ્ધ ગુન્હો દાખલ કરી આગળની તપાસની તજવીજ હાથ ધરી છે.
