વાંકાનેરના રાજાવડલા ગામની સીમ નજીક ડીસ્ટી કેનાલવાળા રોડ ઉપર આવેલ વાડી ખેતરમાં વાંકાનેર સીટી પોલીસ ટીમે બાતમીને આધારે દરોડો પાડી વિદેશી દારૂની અલગ અલગ બ્રાન્ડની ૭૩ બોટલ ઝડપી લેવામાં આવી હતી. દરોડા દરમિયાન આરોપી હાજર ન મળી આવતા આરોપીને ફરાર દર્શાવી તેના વિરુદ્ધ ધોરણસરની કાર્યવાહી હાથ ધરી છે.
મળતી માહિતી અનુસાર વાંકાનેર સીટી પોલીસ સ્ટાફને ખાનગીરાહે બાતમી મળેલ કે રાજાવડલા ગામ નજીક ડીસ્ટી કેનાલવાળા રોડ ઉપર આવેલ વાડી-ખેતરમાં આરોપી પ્રકાશભાઈ જેરામભાઈ સોલંકી વિદેશી દારૂનો જથ્થો રાખી તેનું વેચાણ કરે છે જે બાતમીને આધારે વાંકાનેર સીટી પોલીસ ટીમે તાત્કાલિક ઉપરોક્ત વાડી-ખેતરે દરોડો પાડતા સ્થળ ઉપરથી વિદેશી દારૂની અલગ અલગ બ્રાન્ડની ૭૩ બોટલ આવી હતી. જયારે દરોડા દરમિયાન આરોપી પ્રકાશભાઈ જેરામભાઈ સોલંકી રહે.રાજાવડલા તા.વાંકાનેર જી.મોરબી હાજર મળી આવેલ ન હોય જેથી તેને ફરાર દર્શાવી ઉપરોક્ત વિદેશી દારૂનો જથ્થો કબ્જે લઇ આરોપીને પકડી પાડવા અલગ અલગ દિશામાં તપાસના ચક્રો ગતિમાન કર્યા છે.
