વાંકાનેર સીટી પોલીસના બે અલગ અલગ દરોડામાં તીનપત્તીનો જુગાર રમતા કુલ પાંચ. જુગારીની અટક કરી તમામ વિરુદ્ધ જુગારધારા હેઠળ કાયદેસરની કાર્યવાહી હાથ ધરવામાં આવી હતી.
જુગારના પ્રથમ દરોડામાં વાંકાનેર ટાઉન હોલ પાછળ મચ્છુ નદીના કાંઠે તીનપત્તીનો જુગાર રમતા છગનભાઈ પ્રાગજીભાઈ ખાંડેકા ઉવ.૬૦ રહે.વાંકાનેર ગાયત્રીમંદીર મફતીયાપરા, રધુભાઇ અમરશીભાઇ સારદીયા ઉવ.૪૮ રહે.વાંકાનેર કુંભારપરા શેરી નં-૫, મેહુલભાઈ વિનયચંદ્ર મારૂ ઉવ.૪૨ રહે.વાંકાનેર નગરપાલીકા સામે ને રોકડા રૂપિયા ૨,૨૩૦/-સાથે ઝડપી લેવામાં આવ્યા હતા. વાંકાનેર સીટી પોલીસે પકડાયેલ તમામ વિરુદ્ધ જુગારધારા હેઠળ ગુન્હો નોંધી આગળની ધોરણસરની કાર્યવાહી હાથ ધરી હતી.
જયારે જુગારના બીજા દરોડામાં વાંકાનેરના ઈંટોના ભઠા પાસે મચ્છુ નદીના કાંઠે પૈસાની લેતીદેતીનો નસીબ આધારિત તીનપત્તીનો જુગાર રમતા અબ્દુલભાઈ મુસાભાઈ દલ ઉવ.૬૦ રહે.વાંકાનેર આરોગ્યનગર શેરી નં-૫, ગોવિંદભાઈ પ્રેમજીભાઈ દેગામા ઉવ.૬૫ રહે.વાંકાનેર બસ સ્ટેશન પાસેને જુગાર રમતા રંગેહાથ ઝડપી લેવામાં આવ્યા હતા. આ સાથે પોલીસે જુગારના પટ્ટમાંથી રોકડા રૂ.૧,૫૬૦/- સાથે બંનેની અટક કરી કાયદેસરની કાર્યવાહી હાથ ધરી હતી.
