ટંકારા પોલીસે હમીરપર ગામના પાટીયા પાસેથી એકટીવા ચાલકને વિદેશી દારૂની બે બોટલ સાથે ઝડપી લીધેલ હતો. જયારે વિદેશી દારૂની બોટલ હમીરપર ગામે રહેતા આરોપીના પિતરાઈ ભાઈ પાસેથી લિધેલનું જણાવતા પોલીસે દારૂની બે બોટલ સહીત એકટીવા મોપેડ કબ્જે લઇ બંને આરોપી સામે પ્રોહી એક્ટ હેઠળ ગુન્હો દાખલ કરી આગળની તપાસની તજવીજ હાથ ધરી છે.
ટંકારા પોલીસ સ્ટાફ પેટ્રોલિંગમાં હોય તે દરમિયાન હમીરપર ગામના પાટીયા પાસે એકટીવા રજી.જીજે-૩૬-એએચ-૯૬૯૧ ત્યાંથી પસાર થતા તેને રોકી તેની તલાસી લેતા એકટીવાની ડેકીમાંથી વિદેશી દારૂની બે બોટલ મળી આવતા એકટીવા ચાલક આરોપી ધર્મેશભાઇ લક્ષ્મણભાઇ ચાવડા ઉવ.૨૧ રહે.ગામ હમીરપર તા.ટંકારાની સ્થળ ઉપરથી ધરપકડ કરવામાં આવી હતી. પકડાયેલ આરોપીની સઘન પૂછતાછમાં દારૂની બે બોટલ તેના કુટુંબી ભાઈ ભરતભાઇ જીવાભાઇ ચાવડા રહે.ગામ હમીરપર પાસેથી લઇ આવ્યાનું જણાવતા પોલીસે એકટીવા તથા દારૂની બોટલ સહીત રૂ. ૬૧,૨૦૦/-નો મુદામાલ કબ્જે લઇ બંને આરોપીઓ વિરુદ્ધ ધોરણસરની કાર્યવાહી હાથ ધરી છે.
