ટંકારાના લજાઈ ગામે આવેલ હોટલની ઓરડીમાં સગીરનો ગળેફાંસો ખાઈ આપઘાત

ટંકારાના લજાઈ ગામ નજીક આવેલ અંદાજ અપના દેશી ધાબા હોટલની ઓરડીમાં ૧૬ વર્ષીય સગીરે ગળેફાંસો ખાઈ આત્મહત્યા કર્યાનો બનાવ સામે આવ્યો છે. હાલ ટંકારા પોલીસે સગીરના આપઘાત મામલે અ.મોતની નોંધ કરી તપાસ હાથ ધરી છે.

પ્રાપ્ત માહિતી અનુસાર ટંકારા તાલુકાના લજાઈ ગામ નજીક હોનેસ્ટ હોટલ પાછળ અંદાજ અપના દેશી ધાબા નામે હોટલ આવેલ છે જે હોટલની ઓરડીમાં રહેતા મૂળ રાજસ્થાનના વતની કિશોરસિંહ લક્ષ્મણસિંહ રાવત ઉવ-૧૬ એ અંદાજ અપના હોટલની ઓરડીમાં કોઈ અગમ્ય કારણોસર ઓરડીની છતની એંગલમાં ટુવાલ વડે ગળેફાંસો ખાઈ લેતા તેનું મૃત્યુ નીપજ્યું હતું. ત્યારે ટંકારા પોલીસે સગીરના મૃત્યુ અંગે ટંકારા પોલીસ મથકમાં અ.મોતની નોંધ કરી છે. ત્યારે સમગ્ર બનાવ મામલે ટંકારા પોલીસ મથકના પો.હેડ કોન્સ. એસ.બી.સીદીકી દ્વારા આગળની તપાસ હાથ ધરવામાં આવી છે.