હળવદના ટીકર રણમાં વિસ્ફોટક મૂકી પ્રાણીઓનો શિકાર થતો હોવાની લોકચર્ચા:એક ગાયનું મોઢુ ફાડી નાખ્યું

હળવદના ટીકર રણમાં ઘૂડખરનો શિકાર વિસ્ફોટક દ્વારા હતો હોય તેવી ચર્ચાઓ તેજ બની છે. જેમાં રણ વિસ્તારમાં ગાય ચરવા માટે ગઈ હતી ત્યારે ગાયના મોંમાં વિસ્ફોટક આવી જતા ઇજાગ્રસ્ત થઈ છે. જેથી આ રીતે શિકાર કરતા હોવાની વાતો જોર પકડ્યું છે.ત્યારે આ બાબતે વન વિભાગ યોગ્ય તપાસ કરે તેવી માંગ કરાઇ છે.

હળવદના ટીકર રણમા ઘુડખરનો નાના વિસ્ફોટક મૂકી શીકાર થતો હોવાનુ સામે આવ્યું છે.અને લોકો માં થતી ચર્ચાઓ મુજબ શિકારી દ્વારા મુકેલા નાના બોમ્બના ઘુડખર નહિ પરંતુ ગાય ઝપટે ચડી ગઈ છે. પ્રાણીઓના ખાધ્ય પદાર્થ અંદર નાના બોમ્બ મૂકી શીકાર થતો હોય તેવો બનાવ ધ્યાને આવ્યો છે. ત્યારે રણ નજીક ગાય ચરવા માટે ગઈ હતી અને તે દરમિયાન જ મોમા બોમ્બ આવી જતા ગાય ની મોઢુ ફાટી ગઈ હતું અને ગંભીર ઇજાગ્રસ્ત થઇ હતી. જેથી આ બાબતે વન વિભાગ યોગ્ય તપાસ કરે તેવી માંગ ઉઠી રહી છે.