વાંકાનેરના માટેલ રોડ વિકાસ હોટલની સામે રોડ ઉપર બે બાઈક સામસામે ટકરાતા અકસ્માત સર્જાયો હતો. અકસ્માતમાં માટેલથી ઢૂવા જય રહેલા બાઈક ચાલકને શરીરે ગંભીર ઇજા પહોંચતા જેનું મૃત્યુ નીપજ્યું હતું.
મળતી માહિતી અનુસાર ગત તા. 11/02ના રોજ વાંકાનેરના માટેલ રોડ ઉપર બે બાઈક સામસામે અથડાતા એક બાઈક ચાલકનું મૃત્યુ નીપજ્યું હતું જેમાં બાઈક રજી.નં. જીજે-13-એ-3394 લઈને સાહિલ અશોકભાઈ ચીહલા નામનો યુવક પોતાનું બાઈક લઈને માટેલથી ઢૂવા જતો હોય તે દરમિયાન અન્ય બાઈક રજી. નં. યુપી-80-ઇએસ-0949નો આરોપી બાઈક ચાલક માટેલ રોડ ઉપર આવેલ વિકાસ હોટલ સામે આજુબાજુ જોયા વગર રોડ ઉપરથી પસાર થઇ રહેલા બાઈકને હડફેટે લઇ અકસ્માત સર્જ્યો હતો જે અકસ્માતમાં બાઈક ચાલક સાહિલ અશોકભાઈ ચીહલાને શરીરે ગંભીર ઈજાઓ પહોંચતા તેનું મૃત્યુ નીપજ્યું હતું. ત્યારે અકસ્માતમાં મરણ જનારના પિતા અશોકભાઇ બબાભાઇ ચીહલા ઉવ.૪૦ રહે.નટવરગઢ તા.લીંબડી જી.સુરેન્દ્રનગર દ્વારા વાંકાનેર તાલુકા પોલીસ મથકમાં બાઈક ચાલક વિરુદ્ધ ફરિયાદ નોંધાવતા પોલીસે ધોરણસરની કાર્યવાહી હાથ ધરી છે.
